Балдар үй-интернаттарынын бүтүрүүчүлөрү үчүн Бишкекте дагы бир «Жаштар үйү» ачылды. Бул тууралуу Бишкек шаардык мэриясынын басма сөз кызматынан билдиришти.
Маалыматка ылайык, 24 орундуу убактылуу жашоочу үй Ленин районунун Киргизия-1 айылынын Таалай көчөсүндө жайгашкан. Аталган үйдө кыздар гана жашайт.
«Жаштар үйү» «Жетим балдарды коргоо укугу» коомдук фонду тарабынан балдар үйлөрүнүн бүтүрүүчүлөрүн социалдык колдоо долбоорунун алкагында ачылды. Бул жерде:
- акысыз жашоо;
- үч жолу тамактануу;
- окуу жайларына кирүү (кечки мектеп, кесиптик лицей, колледж, ЖОЖ);
- аскердик каттоо;
- поликлиниканын каттоосуна кирүү каралган.
Эскерте кетсек, Бишкек шаарындагы Балтагулов көчөсүндө балдар үйлөрүнүн бүтүрүүчүлөрү үчүн убактылуу турак жай берүү боюнча мекеме иштеп жатат. 1-сентябрга карата социалдык жатаканада 22 адам жашайт.
