Чүйдүн Ысык-Ата районунда 16-сентябрь күнү саат 16:08де Бишкек-Нарын-Торугарт айланма унаа жолунун 47-чакырымында Mazda 626 жана Seat үлгүлөрүндөгү унаалардын катышуусунда жол кырсыгы катталды. Бул тууралуу ӨКМнын басма сөз кызматынан билдиришти.
Кырсыктын кесепетинен 1 наристе каза болуп, 4 адам жабыркаган. ӨКМнын №21 өрткө каршы куткаруу бөлүмүнүн куткаруучулары жеткенге чейин каза болгон баланын жансыз денесин Тез жардам кызматы алып кеткен. Ал эми жабыркагандарды куткаруучулар унаадан чыгарышып, дарыгерлерге өткөрүп беришкен.
