Кыргызстан менен Орусия ортосундагы аба каттамдары жанданды

Автор -

Бүгүн, 21-сентябрдан тарта Кыргызстан менен Орусиянын ортосунда туруктуу аба каттамдары жанданат. Бул тууралуу Республикалык штаб билдирет.

Алгачкы этапта Бишкек-Москва-Бишкек багыты боюнча каттам жумасына бир жолу ишке ашырылат. Кыргызстан тараптан каттамдар «Avia Traffic Company» авиакомпаниясы тарабынан жума күндөрү учат.

Орусияга баруучу кыргызстандыктар коронавируска каршы тапшырган тестинин терс жыйынтык көрсөткөнү тууралуу маалымкатын көрсөтүшү керек.

18-сентябрда Орусиянын коронавирусту алдын-алуу боюнча оперативдүү штабы Кыргызстан, Казакстан, Беларусия, Түштүк Корея менен аба каттамдарын ачуу чечимин кабыл алган.

Ага ылайык, 21-сентябрдан тарта Москвадан Бишкекке, Нур-Султанга, Минскке, ал эми 27-сентябрдан тарта Сеулга жумасына бир жолу учак каттайт.

Март айынан августка чейин Орусиядан Кыргызстанга 153 чартердик каттам уюштурулуп, 27 миңден ашык кыргызстандык мекенине келген.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү