Соңку суткада коронавирус жуктургандардын саны өстү

Автор -

Кыргызстанда акыркы бир сутка ичинде COVID-19 илдетинен каза тапкандар болгон жок, бирок жуктургандардын саны өстү. Бул тууралуу Республикалык штаб билдирди.

Маалыматка караганда, соңку суткада өлкө аймагында 127 адамдан илдет аныкталган:

  • Бишкек — 19;
  • Ош — 8;
  • Чүй облусу – 4;
  • Ош облусу — 38;
  • Талас облусу — 3;
  • Нарын облусу — 2;
  • Ысык-Көл облусу – 4;
  • Жалал-Абад облусу – 20;
  • Баткен облусу — 29 учур.

Жалпы өлкө боюнча коронавирус жуктургандардын саны 45 миң 757ге жетти.

24-сентябрга карата COVID-19 илдетинен каза болгондордун жалпы саны 1063 адамды түздү.

Ооруканаларда 591 бейтап дарыланып жатат, үй шартындагы дарыланууда 1651 бейтап бар.

Акыркы бир сутка ичинде коронавирустан 101 адам сакайды. Алар:

  • Бишкек – 15;
  • Ош шаары – 13
  • Чүй облусу – 9
  • Ош облусу – 17
  • Талас облусу – 3
  • Ысык-Көл облусу – 14
  • Жалал-Абад облусу – 10
  • Баткен облусу – 20 адам айыкты.

Учурда коронавирус жана пневмониядан айыккандардын жалпы саны 42 005ти түзүүдө.

24-сентябрга карата коронавирус менен катталгандардын алтоо — медицина кызматкери. Алар: Бишкек шаарында — 2, Ош шаарында — 3, Ош облусу боюнча — 1 учур.

Ошол эле акыркы суткада 5 медициналык кызматкер ооруканалардан айыгып чыгарылды. Үй карантининдеги 17 медкызматкер да сакайды. 

COVID-19 вирусу 3214 медициналык кызматкерге жуккан, анын 2896сы айыгып чыкты.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү