Кой-Таш окуясы боюнча соттук отурум дагы жылдырылды

Автор -

Кой-Таш окуясы боюнча соттук отурум дагы жылдырылды. Бул тууралуу Биринчи Май райондук сотунун басма сөз кызматынан билдиришти.

Маалыматка ылайык, соттук отурум бүгүн, 25-сентябрда өтмөк. Жактоочулардын келбегендигине байланыштуу отурум 28-сентябрь күнү саат 10:00гө жылдырылды.

Башкы прокуратура Кой-Таш окуясы боюнча козголгон ишти тергеп бүтүп, Бишкектин Биринчи Май райондук сотуна өткөрүп берген.

Анда 14 адам айыпталууда. Алардын катарында мурдагы президент Алмазбек Атамбаев, Фарид Ниязов, Равшан Жээнбеков, Ирина Карамушкина, Асел Кодуранова, Кундуз Жолдубаева, Канат Сагымбаев, Мээрбек Мискенбаев, Фархат Баабиев, Канат Осмоналиев, Рыспек Карыпбек уулу, Марат Шаменов, Нооруз Капарбек уулу жана Асангелди Какебаев бар.

 

 

Бөлүшүү