Улуттук банк сентябрь айындагы үчүнчү интервенцияны жасады. Банк 25-сентябрда валюта рыногуна 19,6 миллион доллар сатыкка чыгарды.
Улуттук банк 23-сентябрда 11,2 миллион доллар, 9-сентябрда 6 млн 600 миң долларды сатыкка чыгарган.
Учурда доллардын курсу кымбаттап, сомдун курсун туруктуу сактоо максатында интервенция жасоодо.
Кыргызстанда АКШ долларынын курсу быйыл март айында кымбаттаган.
28-сентябрга карата Улуттук банктын расмий курсу 79 сом 49 тыйын деп белгиленди.
Бишкектеги акча алмаштыруу жайларында 1 доллар 80 сомго чейин чыгууда.
