Чүйдө жүргүнчү ташыган поезддер ишин жандантат

Автор -

Чүй облусунун аймагында 31-декабрдан тарта жүргүнчү ташыган поезддер ишин жандантат. Бул тууралуу «Кыргыз темир жолу» Улуттук компаниясынан» билдиришти.

Маалыматка караганда, өкмөттүн ыйгарым укуктуу өкүлчүлүгү төмөнкү багыттар боюнча каттамдарды жандантууга уруксат берген:

  • Бишкек — Токмок — Бишкек;
  • Кайынды — Бишкек — Кайынды;
  • Кара-Балта — Бишкек — Кара-Балта.

Бардык маршруттар күн сайын, ал эми Кара-Балта — Бишкек — Кара-Балта каттамы күнүнө эки ирет каттайт. Ишканадан бардык санитардык нормалар сакталарын убадалашты.

«Маршруттар боюнча айрым өзгөрүүлөр бар. Кайынды — Бишкек — Кайынды каттамында «Лицей» деген жаңы аялдама болот. Ал эми Кара-Балта — Бишкек — Кара-Балта поезди «Бишкек-1» станциясына чейин барат», — деп айтылат маалыматта.

Эске салсак, пандемияга байланыштуу эл аралык темир жол каттамдары 17-марттан тарта, ички каттамдар 25-мартта токтотулган.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү