Жарандык авиация агенттиги Орусияга учкан жарандар эрежени сактоосун эскертет

Автор -

Орусияга иштөөнү пландаштырган жаран ал өлкөгө компаниянын атайын чакыруусу менен гана учса болот. Бул тууралуу Транспорт жана жолдор министрлигинин Жарандык авиация агенттигинин директору Сталбек Шаршеев маалымат жыйын учурунда билдирди.

«Кабыл алуучу компания өзүнө керектүү жогорку квалификациялуу жумушчулардын тизмесин түзөт. Бул негиздүү болушу керек. Адам учактын бортуна ушул учурда гана түшөт», — деди ал.

Сталбек Шаршеев белгилегендей, айрым жеке авиакассалар жумуш орундарынан жасалма күбөлүктөрдү сатышат, бирок адистер үчүн жасалманы таануу кыйын эмес.

Ал билдиргендей, азыркы тапта бул боюнча укук коргоо органдарына өткөрүлүп берилген. Ошондой эле, ал Кыргыз жарандары билеттерди сатып алуудан мурун, пандемияга байланыштуу бардык документтерди жана талаптарды кылдаттык менен аткарууга үндөдү.

Азыркы учурда, Бишкек-Москва багытында Орусияга аптасына эки туруктуу рейс каттап жатат.

Эскерте кетсек, Орусияга учкан жарандын жанында паспорту жана COVID-19 жок экендигин тастыктаган маалымкат болушу керек. Маалымкат 72 саатка чейин жарактуу.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү