Түркиянын «Маариф» фонду биринчи мектебин Бишкекте ачат

Автор -

Түркиянын «Маариф» фонду Кыргызстандагы биринчи мектебин Бишкек шаарында ачат. Бул тууралуу 29-январда билим берүү жана илим министринин милдетин аткаруучу Алмазбек Бейшеналиев Борбор Азиядагы «Маариф» фондунун директору Хүснү Биржан менен жолугушканда белгилүү болду.

Хүснү Биржан мектепте окуучуларга жана мугалимдерге бардык шарттар түзүлөрүн айтып, кыргыз-түрк макулдашуусуна ылайык, мугалимдердин басымдуу бөлүгүн Кыргызстандын жарандары түзөрүн билдирди.

2020-жылы 10-ноябрда Түркиянын Анкара шаарында Кыргызстандын Билим берүү жана илим министрлиги менен «Маариф» фонду Кыргызстанда жеке менчик билим берүү уюмдарын ачуу жана иштетүү боюнча макулдашууга жетишишкен.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү