«Референдумду өткөрүү жөнүндө» мыйзам долбоору парламенттик отурумда каралып жатканда «Ата Мекен» фракциясынын депутаты Наталья Никитенко референдумга канча каражат керектелет экенине кызыкты.
«Жергиликтүү кеңеш шайлоосу менен бирге өткөндүктөн, рефрендум үчүн 134 млн сом кетет», — дейт каржы министринин орун басары Алмаз Азимов.
Никитенко бюджетте кризис болуп жатса мынча каражат кетирүүгө эл макул боло турганына шек санады.
