Экстремизм менен радикализмдин таасири жана туруксуздуктун жайылышы боюнча Борбор Азия өлкөлөрүндөгү кырдаал кооптуу.
Бул тууралуу Евробиримдиктин Тажикстандагы өкүлчүлүгүнүн башчысы Хидоят Бишчевич билдирди.
Мындай пикирин ал Тажикстанда өткөн радикализм жана экстремизм көйгөйлөрүн чечүүгө арналган эл аралык жыйында айтты.
Бишчевич экстремизмдин жайылышын өлкөдөгү демократияны кеңейтүү жолу менен гана алдын алууга болот деп эсептейт. Анын айтымында, Тажикстан терроризм жана экстремизмге каршы күрөшүүдө өлкөдөгү жарандык согуштан алган тажрыйбаларын пайдалана алат.
Ошондой эле Хидоят Бишчевич бул маселеде жарандык коом менен өкмөттүн кызматташуусу керектигин белгиледи. Анын айтымында, европалык эксперттер экстремизм менен радикализмге каршы туруу боюнча өз сунуштарып берүүгө даяр.
Адвокат Дилафруз Самадова болсо Тажикстанда экстремизмге каршы күрөшүүнүн жолдорунун бири адам укуктарынын сакталышы экенин айтты.
