Ырчы Рианна, Энн Хэтэуэй жана Кейт Бланшетт жаӊы тасмада роль жаратышат. Бул тууралуу чет элдик басылмалар жазып чыгышты.
Warner Bros компаниясы режиссер Гэри Россанын жаӊы тасмасынын трейлерин интернетке чыгарган. Тасма «8 подруг Оушена» деп аталып, ага көптөгөн белгилүү жылдыздар катышкан. Алар Сандра Баллок, Рианна, Энн Хэтэуэй, Кейт Бланшетт, Хелена Бонэм Картер жана Сара Полсон.
Тасмада кылмышкер аталган Дебби (Сандра Баллок) түрмөдөн чыгып, эски өтмүшүн кайрадан жандандыруу үчүн өзүнө ишеничтүү адамдарды издейт.
Баса, «8 подруг Оушена» тасмасы «11 друзей Оушена» аттуу тасманын аялдарга арналып тартылган варианты. Тасманын бет ачары 21-июнга коюлган.
