Бишкекте 23нөн 28-апрель күндөрү көк бөрү боюнча турнир өтөт. Иш-чара Бишкектин 140 жылдыгына арналган. Бул тууралуу аталган спорттун түрү боюнча федерациясынан кабарлашты.
Биринчи орун үчүн Сары Өзөн, Кара-Балта, Арашан, Төш булак, Четинди, Көк жал, Аафият, Эмгек талаа, Долон, Кеңешбек Ата жана Бакубат Талас (Мурас) курамалары ат салышат.
Мелдеш “Ак Кула” ат майданында өтөт.
Белгиленгендей, калаа тургундары жана коноктору иш-чарага акысыз кире алышат.
Ушундай эле турнир 4-9-май күндөрү Улуу Жеңиш күнүнө карата Чолпон-Ата шаарында өтөт. Курамалар 25-апрелге чейин билдирүү калтырышса болот.
Эске сала кетсек, быйыл Бишкек өзүнүн 140 жылдыгын белгилейт.
