Нарын облусунун Жумгал районунун Арал айылында 2 тонна чайыры бар жүк унаасы күйүп кетти. Бул тууралуу ӨКМ билдирди.
“Howo унаасынын прицеби өрттөнүп жатканы тууралуу билдирүү 17:05те түшкөн. Өрт өчүрүүчүлөр 16 мүнөттө кырсык болгон жерге жетишкен. Өрт толугу менен 18:26да өчүрүлгөн”, — дешти ӨКМден.
Өрттүн натыйжасында жүк унаасынын прицеби жана дөңгөлөктөрү күйүп кеткен. Өрт электр зымдарынын чукул туташуусунан чыккан.
