Армения парламентинде бүгүн өкмөт башчыны шайлоо болот. Оппозициялык лидер Никол Пашинян кечээ элдин баарын демонстрацияларга чакырып, парламентте шайлоо башталганда башкаруучу Республикалык партияга басымды күчөтүүгө үндөдү.
42 жаштагы оппозициялык лидер эгер парламенттеги добуш берүүдө башкаруучу партия өз убадасын аткарбай койсо, зордук-зомбулуксуз баш ийбестик чараларын баштоого даяр болууга да чакырды.
2-майда Ереванда түмөндөгөн адам көчөгө чыгып, иш таштоо башталган соң Республикалык партия парламенттеги экинчи добуш берүүдө Пашиняндын талапкерлигин колдоорун билдирген.
Беш күндөн бери нааразылык акциялары токтоп турат.
