Түндүк Казакстан облусунунун Коомдук саламаттык сактоо департаментинин маалыматы боюнча жыл башынан бери 36 киши кызылча илдетинин белгилери менен ооруканага кайрылган. Алардын 12си чоңдор, 24ү – 14 жашка чейинки балдар.
Департамент белгилегендей, илдетке кабылган адамдардын 83% (30 киши) кызылчага каршы эмдөөдөн өткөн эмес.
Лабораториялык иликтөөлөрдүн негизине 22 бейтаптын кызылчага чалдыкканы тастыкталган.
Расмий маалыматтар боюнча 2018-жылы облуста бир киши гана кызылча менен ооруган.
Казакстанда көптөгөн ата-энелер балдарын эмдетүүдөн баш тартууда. Буга диний ынанымдар гана эмес вакциналардын сапатына күмөн саноолор дагы себеп болууда.
