Казакстандык журналист Манас Бистаев «этникалык топтордун биринин өкүлдөрүнө карата зомбулук көрсөтүү» чакырыгы үчүн камакка алынды. Бул тууралуу Алматы шаардык сотунун басма сөз кызматы билдирди.
Мекеменин маалыматына караганда, 22-февралда «Улут, раса аралык кастыкты козутуу» беренеси боюнча айыпталып жаткан Бистаевге карата эки айга камакка алуу бөгөт чарасы белгиленди.
Журналисттин зомбулукка чакырган видеосу социалдык түйүндөр менен мессенджерлер аркылуу тарап, анда айтылгандар колдонуучулардын кыжырын келтирген.
