«Кыргыз көмүр» мамлекеттик ишканасынын жетекчиси Канатбек Ашырбаевди белгисиз адамдар сабап кетишти. Бул туурасында мекеменин маалымат кызматынан билдиришти.
Маалыматка караганда, окуя 30-октябрь күнү түнкү саат 00:30 чамасындаТуңгуч кичирайонундагы №73 мектептин жанында болгон. 30-35 жаштагы эки жигит Ашырбаевге эч себепсиз кол салып, темир түтүк менен урушкан.
Бул факты боюнча жабырлануучу Бишкектин Октябрь райондук ИИБине арыз жазылып, тиешелүү соттук-медициналык экспертиза дайындалды. Басма сөз кызматынын билдиришинче, учурда Канатбек Ашырбаевдин абалы жакшы, жумушка чыкты.
