Бишкектин «Ала-Тоо» аянтына тургузулган балаты 13-декабрь күнү жандырылат. Бул тууралуу Бишкек мэриясынан билдиришти.
Иш-чара саат 19:00гө белгиленген. Өлкөнүн башкы балатысын жандыруу салтанаты концерттик программа менен коштолот. Учурда балатыны кооздоо иштери улантылып жатат.
«Борбордук аянттагы башкы балатыны «Тазалык» жана «Бишкексветтин» кызматкерлери орнотуп, кооздоп жатат. Балатыга тагылуучу оюнчуктардын дээрлик баары «Бишкексветтин» цехинде даярдалган. Ал эми «Ынтымак» сейил багындагы балатынын чырактары жандырылды», — деп билдиришти мэриядан.
