Бишкекте Түштүк магистралда болгон жол кырсыгынан бир адам каза таап, үч адам ооруканага жеткирилди. Бул тууралуу ЖКККББдан билдиришти.
Маалыматка караганда, авария саат 15:00 чамасында Жукеев-Пудовкин жана Түштүк магистраль көчөлөрүнүн кесилишинде болгон. Анда 4 машине кагышкан — «Мерседес» үлгүсүндөгү бир жеңил унаа, ушул эле үлгүдөгү жүргүнчү ташыган №110 маршруттук такси, «Тойота Ист» жана «Хонда Фит».
«Төрт киши жабыркап, алардын бири ооруканага бараткан жолдо каза тапты», — деп билдиришти мекемеден.
