Борбор калаадагы Бөкөнбаев — Турусбеков көчөсүнүн кесилишинде жүргүнчү ташыган маршруттук такси менен жолтандабас кагышып, төрт адам жабыркады. Бул тууралуу Милициянын кайгуул кызматы башкармалыгынын маалымат кызматынан билдиришти.
«Кырсык бүгүн саат 16:20лар чамасында болгон. Аталган көчөлөрдө Mersedes-Benz үлгүсүндөгү эл ташыган №214 микроавтобус менен Volvo жолтандабасы кагышкан», — деп билдирди маалымат катчы.
Окуя болгон жерде кайгуул кызматынын адистери иштеп жатат.
