Өткөн сутка ичинде буга чейин COVID-19 диагнозу тастыкталган 4 бейтап айыгып чыкты. Бул туурасында саламаттык сактоо министринин орун басары Нурболот Үсөнбаев билдирди.
Анын айтымында, Жалал-Абад облусундагы Ала-Бука аймактык ооруканасында дарыланып жаткан 4 бейтаптын чыгып жатканда кайрадан жасалган анализдери терс деп көрсөткөн.
«Жалпы өлкө боюнча коронавирустан айыккан 71 бейтап ооруканадан чыгарылды», — деди саламаттык сактоо министринин орун басары Нурболот Үсөнбаев.
