Бишкек — Ош жолунун 199-чакырымында болуп өткөн жол кырсыгынан 2 адам жаракат алды. Бул тууралуу Өзгөчө кырдаалдар министрлигинен билдиришти.
Маалыматка караганда, кырсык бүгүн, 8-майда саат 04:30 чамасында Суусамыр өрөөнүндө катталган. Анда Volkswagen Passat жана Ssanуong Musso унаалары кагышкан.
Кырсыктын кесепетинен 2 адам жеңил жаракат алышкан, ал эми унаадагы калган жүргүнчүлөр жаракат алышкан эмес.
Жерине ӨКМдин Куткаруучуларды даярдоочу мамлекеттик борборунун куткаруучулары тартылып, жабыркагандарды унаадан чыгарышып, «Тез жардам» кызматына өткөрүп беришкен.
