Мындай кадам жасалма документтердин пайда болушун алдын алуу үчүн жасалат.
Мамлекеттик каттоо кызматынын төрагасы Тайырбек Сарпашевдин айтымында, паспортту жасалма күбөлүктөр менен алган учурлар катталган.
“QR-коду менен чыгарылган күбөлүктөр атайын аппарат менен окулат. Документти жасап алуу мүмкүн эмес”, — деди ал ЖК отурумунда.
Сарпашевдин пикиринде, документтердин жасалышын биротоло жоюу үчүн манжалардын изин камтыган биометрикалык паспортторду толугу менен киргизүү зарыл.
