Баш калаанын 6-кичи районунда чыккан өрттөн бир адам каза тапты, учурда анын өздүгү такталууда. Бул тууралуу ӨКМден кабарлашты.
Такталган маалымат боюнча, Сухе Батор жана Юнусалиев көчөлөрүнүн кесилишинде жайгашкан дарыканадан жана тез тамактануучу жайдан чыккан өрт саат 16:45те чектөөгө алынган. Өрттүн кесепетинен 1 адам каза болгон, анын аты-жөнү, туулган жылы жана жынысы такталууда.
Өрттү өчүрүүгө КР ӨКМинен жалпы 6 бөлүм, Штаб жана ККББнан ыкчам топ тартылып, учурда толук өчүрүү аракети жүрүүдө. Мындан сырткары ИИМ, РЭТ жана Газ чарба кызматкерлери тартылган.
