Бүгүн, 30-июль Кыргызстанда коронавирус инфекциясынан каза болгондор үчүн Улуттук аза күтүү күнү. Бул күнү мамлекеттик желек өлкөнүн бардык аймагында жана чет өлкөлүк элчиликтерде түшүрүлөт.
Мындан тышкары, маданият мекемелеринде жана телерадиокомпанияларда оюн-зоок иш-чаралары жана берүүлөр токтотулат.
27-июлда президент Сооронбай Жээнбеков 30-июль өлкөдө коронавирустан каза болгондор үчүн Улуттук аза күтүү күнү деген жарлыкка кол койгон.
Өлкөдө март айынан бери коронавирус инфекциясынан жалпы 1 миң 347 адам каза болду.
