Чүй облусунун Аламүдүн районунда 34 жаштагы Маргубахан Сейитова жана анын 3 жашар баласы Данил Сейитов дайынсыз болуп изделүүдө. Бул тууралуу облустук милициядан билдиришти.
Маалыматка ылайык, аял акыркы жолу август айынын башында байланышка чыгып, ошондон бери кабарсыз болууда.
Өзгөчө белгилери: Бою 168-170 сантиметр, арык дене түзүлүштө, чачы кара. Кийип жүргөн кийимдери мезгилге жараша.
Ал эми 3 жашар Данилдин бою 70 сантиметр, чачы сары жана кыска. Ал дагы мезгилге жараша кийинип жүргөн.
Кимде-ким сүрөттөгү келинди баласы менен көрүп-билгендер болсо, төмөнкү номерлерге чалып коюуну милиция кызматкерлери өтүнөт.
Байланыш телефону: 0 312 36-35-27, 0312 36-35-23, 0999 21-07-09, 0709 21-18-08, 0 550 34-33-63, 0778 00-09-99.
