Чүйдүн Жайыл районунун Сары-Булак айылында каналга түшүп кеткен 3 жаштагы кыз изделүүдө. Бул тууралуу Өзгөчо кырдаалдар министрлигинен билдиришти.
Кырсык 26-августта саат 13:40 чамасында болгон. Кызды издөөгө Жайыл райондук №22 өрткө каршы куткаруу бөлүмүнүн куткаруучулары, ИИМден 10 кызматкер жана жергиликтүү тургундардан 5 адам тартылды.
Издөө иштери 27-август күнү улантылат.
