Бир сутка ичинде өлкө боюнча 5 медициналык кызматкер коронавирус жуктуруп алганы аныкталды. Бул тууралуу Саламаттык сактоо министрлигинен билдиришти.
Оору жуктуруп алган медкызматкердин үчөө Баткен облусунан, экөө — Ысык-Көлдөн.
Ал эми бир суткада ооруканалардан 3, үй карантининен 12 медициналык кызматкер айыгып чыгарылды.
Жалпысынан республика боюнча COVID-19 диагнозу менен медициналык кызматкерлер арасында 3157 учур катталды, алардын ичинен 2579 медкызматкер айыкты.
