Президенттин милдетин аткаруучу, премьер-министр Садыр Жапаров алдыдагы президенттик шайлоого катышат. Бул тууралуу ал 25-октябрда Нарын облусунун Кочкор районуна жасаган жумушчу сапарында эл менен жолукканда айткан.
«10-январда президенттик шайлоо болот. Мен декабрдын башында бүгүнкү кызматымды тапшырып берип, катардагы талапкер катары шайлоого катышам. Шайлоодон өтсөм ажо болом, өтпөсөм, сиздердин араңыздарда жөнөкөй жаран болуп калам», — деген ал.
