Крестининдин командасы Иранга учуп келди.
Футбол федерациясынын маалыматы боюнча, азыркы учурда команда кечки машыгууда.
Жолдоштук матч 7-июнда Кирадж шаарынын «Эмгилаб» стадионунда, биздин убакыт менен 22:30да башталат.
«Оюнду Кыргызстанда көрсөтүү үчүн жергиликтүү телеканалдар менен сүйлөшүүлөр жүргүзүлүп жатат»,- деп билдирди.
Ирандын курама командасы ФИФАнын тизмесинде 42-орунду ээлейт. Бул Азия мамлекеттеринин арасында эң мыкты көрсөткүч болуп саналат.
Кыргызстан бул тизмеде 111-орунда.
