Евро-2016: Франциянын жаңы баатыры жана Венгриянын кайгысы

Европа чемпионаты бүйүр кызыткан учуруна да келип жетти. Тайпалык беттешүүлөр бүтүп, 1/8 финалындагы оюндар уланууда.

26-июнь күнү Франция Ирландияга каршы ойноп, 2:1 эсебинде жеңди. Оюн күтүүсүз голдорго бай болду. Алгач эле матчтын 2-мүнөтүндө Ирландия эсепти ачса, Франциянын оюнчусу Антуан Гризманн 3 мүнөттө 2 топту каршылаштарынын дарбазасына киргизгенге жетишти.

Германия-Словакия оюну баары күткөндөй эле немистердин жеңиши менен аяктады.  Эсеп 3:0.

Алгачкы жолу Еврого катышып жаткан словактар үчүн 1/8 финалга чыгуу өзү эле ийгилик болду. Алар коргонууга көбүрөөк басым жасап, Германиянын дарбазасына көп жологон жок.

Ал эми  Бельгия Венгриянын таш-талканын чыгарды.

Эсеп — 4:0, Бельгиянын пайдасына. Бул Евро-2016 башталгандан бери эң чоң жеңиш. Венгриялыктар үйүнө жөнөсө, алардын атаандашы ¼ финалга өтүүгө мүмкүнчүлүк алды.

1/8 финалдагы болуп өткөн жана алдыдагы оюндар

Алдыдагы матчтар: