Премьер-министр Сооронбай Жээнбеков өкмөттүн түзүмү өзгөрсө, кошумча каражат, штат талап кылынбай турганын айтты.
“Бүгүнкү күндө 168 млн сом кетсе, кийинки жылы 140 млн сомго чейин кыскартылат”, — дейт өкмөт башчы.
Учурда ЖК жыйынында өкмөттүн түзүмүнүн өзгөртүү маселеси каралып жатат. Премьер төмөнкү сунуштарды киргизди:
- Геология жана минералдык ресурстар боюнча мамагенттиктин базасында өнөр жай, энергетика жана кен пайдалануу мамкомитетин түзүү
- Айыл чарба жана мелиорация министрлигине азык-түлүк өнөр жайын өнүктүрүү үчүн кошумча функцияларды ыйгаруу
- Мамлекеттик байланыш агенттигинин жана электрондук башкаруу борборунун базасында маалыматтык технологиялар мамкомитетин түзүү
- Экономика, транспорт министрликтеринин, мамкаттоо кызматынын, геология жана минералдык ресурстар агенттигинин функцияларын кыскартуу
- Экологиялык жана техникалык коопсуздук боюнча маминспекцияга кендерди пайдаланууну көзөмөлдөө боюнча функцияларды кошуп берүү.
