Севастополдогу эл аралык фестивалда «Атанын керээзи» тасмасы сыйлык алды

Автор -
0

Дастан Жапар уулу жана Бакыт Мукул режиссердук кылган «Атанын керээзи» тасмасы Севастополь шаарында өткөн «Алтын Витязь» аттуу XXVII эл аралык кинофорумунда «Күмүш Витязь» сыйлыгына ээ болду.

Тасманын режиссерлорунун бири Дастан Жапар уулу билдиргендей, аталган форумга дүйнөнүн 28 өлкөсүнөн жөнөтүлгөн 137 тасма ат салышкан.

«Атанын керээзинде» тасманын башкы каарманы Азат атасынын сөөгүн жерге берүү үчүн Америкадан Кыргызстанга келет. Ал атасынын карыздарын төлөп, достору менен жолугуп, жергиликтүү окуялардын катышуучусу болуп калат.

Фильм Т.Океев атындагы «Кыргызфильм» базасында жана «Элфильм» студиясында тартылган.

«Алтын Витязь» эл аралык кинофоруму 27-жолу өткөрүлүп, төртүнчү ирет Севастополь шаарында уюштурулган.

 

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

comments powered by HyperComments
Бөлүшүү
Мээрим Догдурбекованын дебюттук тасмасы Читада эӊ мыкты көркөм тасма аталды | SAAT
2018-06-04 11:00:14
[…] Севастополдогу эл аралык фестивалда «Атанын керээзи» … […]