2016-жылы Меккеге сапар 2 миң 600 долларды түзөт. Сауд Арабиясы кыргыз зыяратчыларына 3865 орун берип, тандоо чүчү кулак менен өткөрүлөт. Ажылыкка каттоо иши 11-апрелден 11-майга чейин шаардык казыяттарда жана райондук хатибияттарда жүргүзүлөт.
Жалпысы болуп 34 каттоо пункту ишке кирмекчи. Ысык-Көл, Нарын, Талас, Бишкек жана Ош шаарында каттоо өнөктүгү казыяттарда гана жүргүзүлөт. Ал эми Баткен, Чүй, Жалал-Абад, Ош облустарында казыяттарда жана райондордо өтүп, жалпысы болуп 29 каттоо пункту кабыл алат.
Ажылык сапар баасынын ичине муфтиятка төлөнүп берилчү 90 доллар дагы кирет.
