Дүйнөлүк көчмөндөр оюндарын даңазалоо максатында Бишкек шаардын коомдук унааларды жасалгалоо иштери жүргүзүлүүдө.
№42 каттамдагы автобус жана №8 троллейбустар жасалгаланды.
Көчмөндөр оюндарынын катчылыгынын жетекчиси Нурдин Султамбаев мэрия аталган иш-чраны колдогону аларды кубандырып жатканын айтты.
“Бишкек шаарынын борбордук аянты үй-бүлөлөрү, достору менен эс алууга келген жарандардын, ошондой эле шаарга келген коноктордун сүйүктүү жери экендиги баарыбызга маалым. Ушуга байланыштуу кооздоону Ала-Тоо аянтынан баштоону чечтик. Жасалгалоо концепциясы Бишкек шаарынын башка жерлеринде да ишке ашырылмакчы”, — дейт Н. Султамбаев.
Эске салсак, көчмөндөр оюндары Чолпон-Ата шаарында 3 — 8 сентябрда өткөрүлөт.
