Asian Single Dance Championships 2016 турнирине Корея, Жапония, Кытай, Малайзия, Тайланд, Орусия жана башка бир топ өлкөнүн өкүлдөрү катышкан. Самба, румба, жайв жана пассодобль боюнча кыргыз бийчилери биринчиликти алып, Ча-Ча бийинде күмүш медаль тагынышты.
Сынак 7-8-майда Тайланд борбору Бангкокто өттү. Кыргызстан үчүн беш медалды эки жуп бийчи алды. Артем Семеренко менен Валерия Качалко самба, румба жана жайв бийлеринде мыкты аталып, биринчи орунду ээлей алышты.
Ал эми Алексей Кибкало менен Татьяна Когадей Ча-Ча бийинде экинчи орунду, пассодобль боюнча биринчиликти илип кетишти.
