Бишкек шаардык сотунда президенттик аппараттын мурунку башчысы Данияр Нарымбаев менен ЖКнын экс-депутаты Хажимурат Коркмазовдун соту каралды.
Коркмазов өз сөзүндө аны колдогондорго ыраазычылык билдирди.
“Биз дагы да болсо биринчи күндөн тарта өз позициябыздабыз. Мен жөн гана ортомчу болгом”, -дейт ал.
Белгилей кетсек, Хажимурат Коркмазов экс-мэр Нариман Түлеевди бошотуу маселесин чечип берүү үчүн анын кызынан 100 миң доллар пара алып жаткан жеринен кармалган. Ал акчаны Данияр Нарымбаевге бермек.
