Буга чейин өзбек сайттары Каримовдун каза болгонун жана сөөгү Самаркандда 3-сентябрда жерге берилери тууралуу билдиришкен.
Ошондой эле reuters 3 дипломатиялык булактарына таянып Каримовдун өлүмү тууралуу жазып чыкты.
Өзбек президентин акыркы сапарга узатууга 3-сентябрда өлкө башчылары келери тууралуу маалыматтар тараган жана Нурсултан Назарбаев шашылыш түрдө Өзбекстанга чыгып кеткени буга чейин маалым болгон. Түркиянын премьер-министри Бинали Йылдырым өлкөнүн өкмөтүнүн жыйынында сүйлөп жатып Өзбекстандын президенти дүйнөдөн кайткандыгына көңүл айтты.
Азыркы учурда Өзбекстан жарандары Ислам Каримов менен коштошо баштады.
Социалдык тармактар постторго жана аза сөздөрүнө толду.
Ыйладым, падышабыз жок болгонуна ишене албай турам. Бул жаман түш деп айтыңыздарчы. Түшүнбөй жатам. Мен аны чын жүрөктөн сүйөм, ал бар Өзбекстан гүлдөп келген. Биз менен жок экенин түшүнүп турам.
Тынч жана ачык асман үчүн рахмат.
Бардыгы үчүн рахмат, биздин жүрөгүбүздө түбөлүктүү жашайсыз.
Эгемендүүлүккө 25-жыл толуп жатат. Бирок маанай тилекке каршы майрамдык эмес. Бул адам тууралуу көп сын айтылды. Бирок биз бирге алдыга гана бара жаттык. Биздин сүрөгөн Ислам Каримов болгонуна сыймыктанам.
