Кыргызстандын волейбол боюнча курамасы «дүйнө чемпионаты 2018» тандап алуу этабында ийгиликтүү старт алды.
Волейбол федерациясы билдиргендей, 15-сентябрда Чолпон-Атадагы ден тарбия жана ден соолукту чыңдоо комплексинде Кыргызстан жана Бангладеш ортосунда биринчи оюн өттү.
Командалар өз ара 2015-жылы апрель айында ойношкон. Анда Кыргызстан 3:0 эсебинде жеңишке жеткен.
Бул жолу да оюн эсеби өзгөргөн жок.
Биринчи раунд 25:19, экинчи партия 25:16 жана үчүнчү 26:24 менен аяктады.
16-сентябрда Мальдивы жана Бангладеш курамалары ойнойт.
Мелдеш Азия конфедерациясынын борбордук аймактагы мамлекеттердин арасында өткөрүлүп жаткан дүйнө чемпионаты-2018 тандап алуу этабынын алкагында өтүүдө.
