Харьков облусунун чек арасында тыңчылыкка шектелип Өзбекстан жараны кармалды. Украинанын Мамлекеттик чек ара кызматы билдиргендей, ал видеокамеранын жардамы менен орусиялык атайын кызматтарга маалымат чогултуп жүргөн.
Маалымдалгандай, 1991-жылы туулган Өзбекстан жаранын “Плетеневка” өткөрүү бекетинен кармашып, Украинада жүрүү себептерин тактоо үчүн кошумча текшерүүгө жөнөтүшкөн.
Кароо учурунда анын көйнөгүнүн топчуларынын ордунан жашыруун камераны жана чөнтөгүнөн үн жазуучу жабдыкты табышкан.
Өзбек атуулу бул түзүлүштү Орусияда жүрүү мөөнөтүн өткөрүп жибергендиги үчүн кармалганда, орусиялык миграциялык кызмат бергенин айтты.
Кармалган жаранды Украинанын коопсуздук кызматына өткөрүп беришти.
