Мектеп жайгашкан аймактагы балдарды 1-класска кабыл алуу 1-июндан тарта 15-августка чейин уланат. Бул тууралуу Билим берүү жана илим министрлигинин маалымат кызматынан билдиришти.
Бул аралыкта ата-энеси ооруп, башка жакка кетип же дагы башка себептер менен мектепке келбей калган баланы андан кийин деле кабыл алууга уруксат берилет.
Баланы мектепке киргизүү үчүн төмөндөгү документтерди даярдоо зарыл:
— мектеп директорунун наамына ата-эненин (мыйзамдуу өкүлдүн) арызы;
— атайын үлгүдөгү медициналык маалым каттар (Ф-26, Ф-63);
— туулгандыгы тууралуу күбөлүктүн көчүрмөсү;
— ата-энесинин биринин паспортунун көчүрмөсү (мыйзамдуу өкүлүнүн);
— баланын жашаган жери тууралуу документ (эгер ата-эненин биринин паспортундагы каттоосу менен учурда жашап жаткан жери эки башка болсо);
— баланын мектепке алынып жаткан учурдагы ден соолугунун абалы тууралуу маалым кат.
Ал эми мектеп жайгашкан райондон тышкары жашаган окуучуларды кабыл алуу 15-августтан 5-сентябрга чейин жүрөт.
