Алматы шаарынын Ички иштер департаменти алдыдагы майрамдарды утурлай өздүк курам күчөтүлгөн тартипте иштөөгө өткөнүн билдирди.
Департамент маалыматы боюнча 7-9-май күндөрү коомдук тартипти сактоо, кылмыштуулуктун алдын алуу максатында эл көп топтолгон жерлерде коопсуздук чаралары күчөтүлөт.
Алматы шаарынын Ички иштер департаментинин административдик полиция башкармалыгынын башчысы Жандос Мураталиевдин айтымында, базарларда, соода борборлоруна, вокзалдарда мыйзам бузган кишилерди аныктоо боюнча ыкчам-иликтөө иштери жүргүзүлөт. Полиция калаа жашоочуларын жана конокторун кыраакы болууга чакырат.
Казакстанда 7-майда Ата Мекенди коргоо күнү, 9-майда Жеңиш майрамы белгиленет.
