Борбордук Азиядагы алгачкы аял-хирург, академик, билим берүүнүн отличниги, Кыргызстандын эмгек сиңирген дарыгери жана ишмери, медицина илимдеринин доктору, профессор Какиш Рыскулова 100 жашында дүйнө салды. Бул тууралуу Кыргыз мамлекеттик медициналык академиядан билдиришти.
Какиш Рыскулова 15-октябрда 1918-жылы Чүй облусуна караштуу Ысык-Ата районунда төрөлгөн. 1934-жылы Фрунзедеги республикалык медициналык училищеге тапшырган.
Какиш Рыскулова 250дөн ашуун илимий эмгектин, 13 монографиянын, 11 ачылыштын автору.
Какиш Рыскулованы акыркы сапарга узатуу зыйнаты 28-августта Кыргыз драма театрында саат 10до болот.
