Аламүдүн районунун Ленин айылында чыккан өрттөн 3 адам күйүк алды.
ӨКМдин маалыматына ылайык, кырсык кечээ түш чендерде болгон. Ленин айылындагы Коммунарская көчөсү №98 дарегинде турак үйдүн жана сарайдын жалпы 136 чарчы метр жыгач устундуу шифер жабылган чатыры күйгөн.
Өрттүн кесепетинен 39 жаштагы А.Д., 38 жаштагы Е.Д., 78 жаштагы В.Л. аттуу жарандар денесинен 5 % күйүк алган. Алар тез жардам кызматкерлери тарабынан райондук ооруканага жеткирилген.
Учурда өрттүн себептери такталууда.
