Казакстан сенатынын төрагасы Касым-Жомарт Токаев той-аштарды өткөрүүдө «өзбектерден, түрктөрдөн жана түркмөндөрдөн» үлгү алууну сунуштады. Бул тууралуу ал «Твиттердеги» баракчасына жазды.
«Той-аштарды өткөрүүгө жаңы мамиле керектиги тууралуу маалымат каражаттарында айтылып жаткан пикирлерди колдойм. Ашыкча ысырапкорчулуктан арылуу үчүн жаңы формат зарыл», — деп жазды Токаев.
Анын пикиринде, мында «өзбек, түрк жана түркмөндөр сыяктуу улуттук каада-салттарга басым жасоо керек».
Касым-Жомарт Токаев билдирүүлөрү үчүн дайыма Твиттерди колдонуп келет. Андагы аккаунтун ал 2011-жылы июлда ачкан.
