Бүгүн, 25-сентябрда саат 15:30да Жалал-Абад облусунун Сузак районунда алдын ала алынган маалымат боюнча, Чөкө-Дөбө айылында жайгашкан турак үйдөн өрт чыккан.
Маалыматка ылайык, өрттү өчүрүүгө саат 15:30да КР ӨКМнин Жалал-Абад шаардык №20 аскерлештирилген өрт-куткаруу бөлүмүнөн 2 бөлүм, саат 15:43тө КР ӨКМнин Сузак райондук №65 өрткө каршы куткаруу бөлүмүнөн 1 бөлүм жана саат 15:48де КР ӨКМнин Жалал-Абад шаардык №20 аскерлештирилген өрткө каршы-куткаруу бөлүмүнөн 1 бөлүм, жалпы 4 бөлүм тартылган.
«Өрттү өчүрүү иштери улантылууда. Кошумча маалымат берилет»,-деп айтылат маалыматта.
