Кыргыз Республикасынын Президенти Сооронбай Жээнбеков кол койгон Жарлыкка ылайык, Айдарбеков Чыңгыз Азаматович мурда ээлеген кызматынан бошотулуп, Кыргыз Республикасынын Конституциясынын 87-беренесинин 5-бөлүгүнүн 2-абзацынын негизинде Кыргыз Республикасынын тышкы иштер министри болуп дайындалды.
Белгилей кетсек, Жогорку Кенеш тышкы иштер министри кызмат ордуна Чыӊгыз Айдарбековдун талапкерлигин жактырган.
Өмүр баян:
Айдарбеков Чыңгыз Азаматович
1977-жылы 27-октябрда Бишкек шаарында төрөлгөн.
Билими: жогорку
1998-жылы Кыргызстандын эл аралык Университетин аяктап, «Эл аралык байланыштар» боюнча адистигине ээ болгон.
2001-жылы Кыргызстандын эл аралык Университетинде «Юриспруденция» боюнча магистратурасын бүтүрүп, магистр деңгээли ыйгарылган.
2017-жылы Кыргызстан-Россия Славян Университети, аспирантура.
Мамлекеттик кызматтын 3-класстагы мамлекеттик кеңешчиси.
Эмгек таржымалы:
1998-2005-жж. — Тышкы иштер министрлиги, атташе, үчүнчү катчы, экинчи катчы, биринчи катчы;
2005-2008-жж.- Кыргыз Республикасынын Өзбекстандагы Элчилиги, биринчи катчы. Кыргыз Республикасынын Өзбекстандагы иштери боюнча убактылуу ишенимдүү өкүлү;
2008-2008-жж. Кыргыз Республикасынын ТИМ, КМШ департаментинин көп тараптуу кызматташтык боюнча бөлүмүнүн жетекчиси;
2008-2010-жж. Кыргыз Республикасынын Түркмөнстандагы Элчилиги, кеӊешчи;
01.2011-04.2011-жж. — Кыргыз Республикасынын Президентинин Аппаратынын тышкы байланыштар жана протокол бөлүмү, эксперт;
04.2011-12.2011-жж. — Кыргыз Республикасынын Президентинин Аппаратынын тышкы байланыштар жана протокол бөлүмү, жетекчинин орун басары;
2012-2016-жж. — Кыргыз Республикасынын Жогорку Кеңешинин Аппаратынын эл аралык байланыштар жана протокол бөлүмү, жетекчи;
04.2016-10.2018-жж. — Кыргыз Республикасынын Япониядагы Атайын жана Ыйгарым Укуктуу Элчиси;
10.2018-ж. — Кыргыз Республикасынын Тышкы иштер министри.
