Нурлан Акматов “Манас” аэропортунун башкармалыгынын төрагасы болуп дайындалды. Бул тууралуу Мамлекеттик мүлк башкаруу фондунан билдиришти.
Маалыматка ылайык, бүгүн, 5-декабрда Эл аралык «Манас» аэропортунун директорлор кеңешинин жыйыны болуп, анын жыйынтыгында Акматов Нурлан Орозбаевич аэропорттун төрагасы болуп дайындалган.
Белгилей кетсек, 3-декабрда “Манас” эл аралык аэропортунун мурдагы башчысы Эмир Чукуев ээлеген кызматынан өз каалоосу менен кеткен.
