Мамлекеттик цирктин директору кызматынан бошотулду

Автор -

Мамлекеттик цирктин директору Курмангазы Исанаев кызматынан бошотулду. Бул тууралуу КРнын маданият, маалымат жана туризм министрлигинен кабарлашты.

Маалыматка ылайык, тиешелүү буйрукка маданият министри Азамат Жаманкулов кол койду.

Исанаев Курмангазы Жусупказиевич башкы директор кызматына 2004-жылы 6-октябрда Кыргыз Республикасынын ошол кездеги премьер- министри тарабынан дайындалган.

Ал эми өкмөттүн 2013–жылдын 3-майындагы № 236 токтому менен бекитилген жобого ылайык, маданият министри өз номенклатурасына кирген ведомстволук мекемелердин жетекчилерин кызматка дайындайт жана бошотот.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү